ANALIZA MINERALE E FLOKUT
Një biopsi është një analizë e një indi të trupit. Testi mat nivelet e 20 ose më shumë mineraleve dhe metaleve toksike në flokë. Konsiderohet si një test standard i përdorur në mbarë botën për monitorimin biologjik të elementëve gjurmë dhe metaleve toksike.
• Dietë specifike dhe suplementet e rekomanduara
• Mangësi në minerale dhe ç’ekuilibrimet në trupin tonë
• Toksicitetin e metaleve të rënda
• Llojin ( ose shkallën) metabolike.
• Stresin dhe efektin e tij në energji dhe shëndet
• Shqyrtimin e tendencave të sëmundjes (parandalimi dhe zbulimi i hershëm)
• Nivelet e energjisë qelizore
• Pasqyrë në biokiminë e shumicës së sëmundjeve
Shumë faktorë kontribuojnë në mangësitë dhe çekuilibrimin e mineraleve. Mund të përmendim disa prej tyre:
• Stresi – Është pjesë e jetës sonë të përditshme. Është një reagim normal që trupi ka kur ndodhin ndryshime. Stresi është mënyra e trupit për t'iu përgjigjur kërkesave rigoroze, kërkesat mund të jenë fizike, mendore, por stresi mund të ndodhë si nga përvojat e mira ashtu edhe nga ato të këqija të jetës. Zakonisht, ky reagim shoqërohet me varfërimin e mineraleve nga trupi, veçanërisht magneziumin dhe zinkun dhe një faktor tjetër është tendosja e veshkave, nëse veshkat po vihen nën një stres të tepërt, atëherë kjo gjë mund të shkaktojë një zhvendosje të mineraleve.
• Medikamentet – Një mjekim (i referuar, ilaç farmaceutik ose thjesht ilaç) është një ilaç që përdoret për të diagnostikuar, kuruar, trajtuar ose parandaluar sëmundjen. Ato mund të varfërojnë rezervat e mineraleve të trupit ose të rrisin nivelet e metaleve toksike. Këto medikamente përfshijnë antibiotikë, diuretikë, antacidë, aspirinën dhe kontraceptivët oralë etj.
• Metalet dhe kimikatet toksike – ato mund të zëvendësojnë mineralet në vendet e lidhjes së enzimës dhe të ndërhyjnë në përthithjen e mineraleve. Metalet toksike depozitohen në indet dhe organet e trupit tonë, nivelet e larta të metaleve toksike të rrezikshme mund të çojnë në një sërë kushtesh serioze shëndetësore për të rriturit dhe fëmijët, duke përfshirë dëmtime zhvillimi dhe neurologjike. Shumë prej metaleve të rënda, si zinku, bakri, kromi, hekuri dhe mangani, janë thelbësore për funksionimin e trupit në sasi shumë të vogla. Por, nëse këto metale grumbullohen në trup në përqendrime të mjaftueshme për të shkaktuar helmim, atëherë mund të ndodhin dëmtime serioze. Metalet e rënda që lidhen më shpesh me helmimin e njerëzve janë plumbi, mërkuri, arseniku dhe kadmiumi. diuretikët, antacidet, aspirinë dhe kontraceptivët oralë.
• Infeksionet kronike virale dhe bakteriale – Një infeksion është pushtimi i indeve të trupit të një organizmi nga agjentët shkaktarë të sëmundjes, shumimi i tyre dhe reagimi i indeve strehuese ndaj agjentëve infektivë dhe toksinave që prodhojnë. Ata janë stresorë delikatë në trup, duke varfëruar mineralet. Shumë persona vuajnë nga disbioza e zorrëve, Lyme dhe shumë infeksione të tjera kronike.
• Uji i pijshëm – Uji i rubinetit nuk është i sigurt për shkak të klorit të shtuar, aluminit, fluorit dhe ndonjëherë bakrit, të cilat shkaktojnë toksicitet ose zhvendosin mineralet e tjera.
• Mënyrat e pashëndetshme të jetesës – Kequshqyerja, dieta jo e shëndetshme, pirja e duhanit, konsumimi i alkoolit, abuzimi me drogën, stresi e kështu me radhë, janë prezantimet e stilit jo të shëndetshëm të jetesës që përdoren si formë dominuese e stilit të jetesës. Shumë individë nuk flenë mjaftueshëm, nuk ushtrohen mjaftueshëm ose kanë zakone të tjera të jetesës jo të shëndetshme. Të gjithë këta faktorë kanë një ndikim të fuqishëm në ekuilibrin e mineraleve në trupin tonë.
• Furnizimi me ushqim toksik – Ushqimi dhe tokat tona janë të varfëruara me minerale, kjo është arsyeja pse të gjithë kanë nevojë për suplemente ushqimore.Plehrat superfosfate, ushqimet e rafinuara, pesticidet, aditivët e ushqimit dhe më shumë, të gjitha kontribuojnë në një furnizim ushqimor të varfëruar dhe toksik.
Toksiciteti i metaleve të rënda dhe mungesa e mineraleve janë lidhur me shumë sëmundje degjenerative si autizmi, sëmundja e Alzheimerit, artriti, skleroza e shumëfishtë, fibromialgjia edhe më shumë.
| Mosfunksionim të Adrenalinës | Ç’balancimi i sheqerit në gjak |
| Alergjia | Mjegullimi i trurit |
| ADHD | Lodhje kronike |
| Anemia | Probleme në të përqëndruar |
| Ankthi | Ç’rregullime të tretjes |
| Ç’rregullime autoimune | Depresion |
| Arterioskleroza | Intoleranca ndaj ushqimeve |
| Probleme të përqëndrimit | Fibromyalgia |
| Rënia e flokut | Nivelet luhatëse të energjisë |
| Dhimbja e kokës dhe Migrena | Gurë në veshka |
| Probleme të zemrës | Dobësi të muskujve |
| Hiperaktiviteti | Osteoporoza |
| Hipertensioni (tensioni i lartë i gjakut) | Probleme të lëkurës |
| Nervozismi | Probleme me tiroiden |
| Infertiliteti | Probleme me peshën |
| Pagjumësia |
1. Shkalla metabolike:
Metabolizmi i karbohidrateve, proteinave dhe yndyrnave në energji quhet oksidim. Ekzistojnë tre lloje të ndryshme të normave të oksidimit të cilat mund të maten me anë të testit mineral të flokëve - oksidimi i shpejtë, i ngadaltë dhe i përzier. Nëse karbohidratet dhe aminoacidet oksidohen shumë ngadalë (‘" oksidimi i ngadaltë ") në një cikël ose shumë shpejt në ciklin tjetër (" ‘oksidimi i shpejtë"), prodhimi i energjisë zvogëlohet. Simptomat më të zakonshme të një niveli të shpejtë ose të ngadaltë oksidues janë lodhja, problemet emocionale, rezistenca e ulur ndaj infeksioneve, temperatura e ulët e trupit, problemet me fshikëzën e tëmthit ose mëlçinë dhe të qënurit mbi ose nën peshë. Ndërsa, një individ me oksidim të përzier metabolizon ushqimin me një ritëm që luhatet midis oksidimit të ngadaltë dhe të shpejtë duke përjetuar simptoma të të dyve.
2. Zbulimi i metaleve toksike metalet toksike janë të pashmangshme në mjedisin ku jetojmë, por ne gjithashtu konsumojmë metale toksike përmes burimeve të caktuara të ushqimit dhe pijeve. Stresi i shpeshtë dhe pamjaftueshmëria adrenale gjithashtu na bën më të ndjeshëm ndaj grumbullimit të metaleve toksike dhe dëmton proçesin e detoksifikimit të metaleve toksike.
3. Toksiciteti i bakrit (i drejtpërdrejtë ose i fshehur) bakri është minerali më i zakonshëm për tu gjetur me tepricë, për shkak të mënyrës se si ndërtohet në trup nga stresi kronik. Bakri është një mineral thelbësor dhe kur është në sasi të ekuilibruar në trup nuk krijon asnjë problem shëndetësor, por kur ka sasi të tepërt në trup dhe bakri kthehet në formë toksike (bakër toksik). Ky ç’ekuilibrim mineral shoqërohet me shumë simptoma dhe gjendje të shëndetit mendor, sepse ai ka një ndikim të madh në kiminë e trurit dhe funksionin e neurotransmetuesit.
4. Lodhja e Adrenalinës - Gjëndrat mbiveshkore janë dy gjëndra të vogla që ndodhen sipër veshkave. Lodhja e adrenalinës është një problem i madh që prek njerëzit pa e kuptuar fare atë. Gjëndrat e adrenalinës janë organet e reagimit ndaj stresit dhe njerëzit në ditët moderne përjetojnë një stres të përsëritshëm ditor, i cili ka një ndikim të madh në organet mbiveshkore. Lodhja e adrenalinës shoqërohet me shumë gjendje shëndetësore mendore dhe fizike. Testi mineral i flokëve është i aftë të analizojë nivelet e mjaftueshmërisë adrenale nga leximet e caktuara të mineraleve dhe leximeve të raporteve midis mineraleve. Ky test gjithashtu do të jetë në gjendje të zbulojë nivelet e bakrit dhe të metaleve toksike në indet e trupit, pasi problemet me insuficencën e adrenalinës shoqërohen rregullisht me toksicitetin e bakrit (të fshehur/të drejtpërdrejtë) dhe një formë të akumulimit të metaleve toksike veçanërisht mërkurit dhe aluminit.
5. Treguesit sugjestivë të funksionimit të tiroides, metabolizmit dhe ndjeshmërisë së glukozës, aktivitetit të sistemit imunitar, stresit të mëlçisë dhe veshkave, gjendjes autonome (mbizotëruese të sistemit simpatik ose jo të shëndetshme të sistemit parasimpatik), sintezës së proteinave, aftësisë tretëse dhe përgjigjeve inflamatore / inflamacionit.
6. Vlerësimi i sistemit nervor autonom:
Një test mineral i flokëve i kryer siç duhet mund të vlerësojë korrigjimin e aktivitetit të sistemit nervor autonom. Problemet me këtë sistem nervor janë shumë të përhapura sot, dhe mund të shkaktojnë qindra simptoma duke filluar nga shqetësimi i tretjes dhe pamundësia për të eleminuar metalet toksike, shqetësimet për të fjetur, probleme të sheqerit në gjak etj.
Sistemi autonom ka dy ndarje - simpatike dhe parasimpatike. Sistemi nervor simpatik quhet sistemi qe aktivizon trurin, muskujt, gjëndrat tiroide dhe mbiveshkore, rrit rrahjet e zemrës dhe gjithashtu fuqine e muskujve. Sistemi simpatik aktivizohet me tej kur trupi yne ndodhet nën stres, kështu që mund të përballojë në përputhje me rrethanat. Kur një individ është më aktiv mendërisht dhe fizikisht, ai/ajo do të jetë më shumë në një gjendje dominance te sistemit simpatik.
Sistemi nervor parasimpatik rikthen energjinë dhe kontrollon proçesin e trupit gjatë situatave të zakonshme, dhe është ushqyes dhe qetësues për trupin. Sistemi parasimpatik rrit tretjen dhe stimulon traktin e tretjes për përpunimin e ushqimit dhe eliminimin e mbeturinave(mbetjeve toksike). Kur një individ është duke fjetur, duke pushuar së ngrëni ata do të jenë në një gjendje dominance parasimpatike. Trupi balancon këto dy sisteme dhe mineralet të cilat shoqërohen me sistemin autonom, kur ato janë të nevojshme.
7. Vlerësimi psikologjik / emocional:
Një nga përdorimet më interesante të analizës së mineraleve të flokëve është vlerësimi i shkaqeve për kushte të tilla si depresioni, ankthi, sulmet e panikut, humbja e vëmendjes, mjegullimi i trurit, autizmi, skizofrenia, demenca, ç’rregullimi bipolar etj.
8 Sistemi imunitar:
është një sistem mbrojtës pritës që përfshin shumë struktura dhe proçese biologjike brenda një organizmi që mbron trupin nga sëmundjet. Sistemi imunitar ka aspekte të ndryshme si shëndeti i rruazave të bardha të gjakut, trakti tretës, membranat qelizore, lëndët ushqyese antioksiduese dhe ekuilibri autonom.
Një test i mineraleve të flokëve midis zinkut, niveleve të bakrit dhe raportit zink / bakër, niveli i natriumit / kaliumit na jep një informacion të rëndësishëm në lidhje me aktivitetin e sistemit tonë imunitar. Kur funksionon sic duhet, sistemi imunitar identifikon një shumëllojshmëri të kërcënimeve, duke përfshirë viruset, bakteret dhe parazitët dhe i dallon ato nga indet e vetë trupit të shëndoshë.
Hapi 1. Lani Flokët
Para se të prisni mostrën e flokëve, lani flokët me një shampoo’’ Johson Baby ‘’për fëmijë. Mos përdorni shampo kundër zbokthit pasi ato shpesh here përmbajnë minerale të cilat mund të ndryshojnë rezultatet e testit. Shmangni produkte të tjera si xhel për flokë, krem flokësh, llak flokësh ose vajra derisa të keni marrë mostrën e flokëve.
Hapi 2. Pasi të keni larë flokët, prisni të paktën 4 orë për të marrë mostrën, por jo më gjatë se 24 orë. Shmangni çdo aktivitet që do t'ju bënte të djersitni shumë para se të prisni mostrën tuaj, pasi kjo mund të ndikojë në rezultatin e analizës së flokëve.
Hapi 3. Pritini një mostër flokësh
Ju lutemi, ndiqni këto udhëzime: Duke përdorur gërshërë të pastër, prisni flokët sa më afër skalpit te kokës.
Për flokë të shkurtër (2,5-3,8 cm)
Për flokë të gjatë (5 cm)
Ju duhet të merrni të paktën një lugë gjelle të plotë flokësh nga pjesa e pasme e qafës sa më afër skalpit të kokës.
Hapi 4. Vendosini flokët në një zarf të pastër letre dhe shkruani emrin, moshën dhe gjininë tuaj.
Mos vendosni mostra flokësh në zarafa plastike, leter/zarf alumini
Hapi 5. Postoni mostrën tuaj të flokëve, Formularin e Dorëzimit të mostres se Flokëve dhe Pagesën gjithashtu.
• Procedura e analizës-marrjes së mostrave të mineraleve të flokëve është e lehtë, nuk duhet të shkoni askund për ta realizuar këtë, mund ta bëni në shtëpi.
• Pasi të keni marrë një mostër flokësh për secilin person, dërgojini ato në laboratorin përkatës (Laboratori ARL në Phoenix, Arizona) në adresën që do t'ju dërgohet me email. Thjesht plotësoni detajet tuaja në formularin e kërkesës. Pasi të kthehen formulari i kërkesës dhe kampioni i mostrës në laborator, normalisht duhen 2 javë për të përpunuar dhe kthyer rezultatet tek ju. Testet janë të përshtatëshme për t’u përdorur nga të rriturit dhe fëmijët gjithashtu.
2. Interpretimin dhe analizën e grafikut, të shoqëruar nga rekomandimet përkatëse në lidhje me programin e balancimit.
3. Mbështetje përmes postës elektronike nga një praktikues.
E gjithë kjo përfshihet në çmimin e testit të flokut.
INTOLERANCA E USHQIMIT DHE ALERGJIA
Të gjithë ne duam të dimë se cilat ushqime duhet të shmangim, veçanërisht kur bëhet fjalë për të ngrënë diçka që mund të rezultojë në një reaksion alergjik potencialisht të rrezikshëm për jetën tonë. Sistemet e testimit të intolerancës ushqimore mund të na e ofrojnë një mundësi të tillë.
Ushqimet që zakonisht lidhen me intolerancën ushqimore përfshijnë: qumështin, glutenin, laktozën, ngjyrues dhe konservantë ushqimesh, salicilatet, sulfitet, kafeinën, fruktozën etj.
Intoleranca ndaj ushqimit shkaktohet nga mungesa e pjesshme ose e plotë e aktivitetit të enzimave përgjegjëse për shpërbërjen ose përthithjen e elementëve ushqimorë. Këto mangësi shpesh janë të lindura. Sidoqoftë ato nganjëherë mund të jenë të lidhura me dietën ose mund të lindin për shkak të sëmundjes.
Simptomat e zakonshme të intolerancës ushqimore përfshijnë:
1. Fryrje
2. Gazra të tepërta
3. Dhimbje stomaku
4. Diarre
5. Migrenë
6. Dhimbje koke
7. Rrjedhje të hundëve
Ndërsa një alergji ushqimore rezulton nga një reagim i sistemit imunitar ndaj një ushqimi specifik, intolerancat ushqimore zakonisht përfshijnë sistemin e tretjes, jo sistemin imunitar.
Simptomat e një alergjie ushqimore pothuajse gjithmonë zhvillohen disa sekonda ose minuta pas ngrënies së ushqimit. Ne mund të përmendim disa prej tyre sic janë:
• ndjesi shpimi gjilpërash ose kruarje në gojë.
• skuqje dhe kruarje në lëkurë
• enjtje e fytyrës, gojës, fytit ose zonave të tjera të trupit.
Qumështi i lopës – Një alergji ndaj qumështit të lopës vërehet më shpesh tek foshnjat dhe fëmijët e vegjël, veçanërisht kur ata janë ekspozuar ndaj proteinave të qumështit të lopës para se të jenë gjashtë muajsh.
Vezë, arra pemësh, kikirikë, butak, grurë, soje, peshk etj.
Thjesht merrni nje sasi te vogel floku nga skalpi juaj.
Për flokë të shkurtër (1-1,5 inç në gjatësi) = (2,5-3,8 cm)
Për flokë të gjatë (1,5-2 inç në gjatësi) = (5 cm)
Ju lutemi, vendosni ato në një zarf të vogël letre, pasi t'i vendosni në një zarf së bashku me një formular të plotësuar (udhëzimet janë dërguar me email pas porosisë).
Intolerancat ndaj ushqimit mund të kenë një ndikim të dukshëm në shëndetin dhe mirëqënien tonë. Ky test ndihmon në përcaktimin e shkakut të alergjisë / intolerancës ushqimore. Gjen shkakun e problemit dhe i ndihmon njerëzit të përmirësojnë jetën e tyre.
SHENIM:
‘’Shkenca e Balancimit Ushqyes’’ është holistike në kuptimin që nuk ka të bëjë me diagnostikimin ose trajtimin e ndonjë sëmundjeje të veçantë por përdor testimin e mineraleve të flokëve për të hartuar programet ushqimore, suplementet dhe mënyrën e jetesës për të përmirësuar nivelin e energjisë së trupit, për të zvogëluar stresin, për të balancuar sistemin nervor simpatik/parasimpatik dhe për të ekuilibruar shkallën e oksidimit në trupin tonë.
Denisa Shoshi nuk është mjeke. Ajo operon vetëm si “konsulente ushqimore”. Asgjë në këtë faqe nuk ka për qëllim të dekurajojë këdo që të kërkojë ose ndjekë këshillën e një mjeku.
Ajo është një ‘’Praktikante e Certifikuar e Balancimit të Ushqimit’’ .
Qëllimi ynë është që të ndihmojmë njerëzit të përmirësojnë dhe ruajnë shëndetin dhe mirëqenien e tyre përmes dietës dhe ushqimit. Ky program është përqëndruar kryesisht në promovimin e energjisë, rindërtimin e niveleve minerale ideale në trup, dhe rritjen e metabolizmit dhe tretjes. Kjo bëhet me kombinime të thjeshta ushqimesh, duke shmangur disa ushqimeve specifike dhe duke theksuar rëndësinë e perimeve dhe proteinave shtazore.
Shtesat e programit të balancimit ushqyes i rekomandohen çdo individi bazuar vetëm në informacionin e mbledhur nga një raport fillestar i testit të analizës së mineraleve të indeve të flokëve.